Ég ligg killiflöt á gólfinu af hrifningu! Fyrir það fyrsta er ég alltaf eitthvað svo auðmjúk þegar ég sé flíkur prjónaðar eða heklaðar úr garninu frá mér og í öðru lagi eru peysurnar sem þær Arndís og Edda hönnuðu geggjað flottar! Ég held að ég hafi t.d aldrei séð heklaða peysu sem er svona fínleg, ég upplifi þær oft svolítið klunnalegar.. nei, ég er ekki búin að skoða Ravelry og Internetið eins og það leggur sig, er bara tilfinningin sem ég fæ fyrir hekli. En nú hefur það breyst heldur betur.

Peysan eftir Arndísi er þessi fjólubláa, prjónuð og liturinn á henni heitir Fairy Tale og hún er prjónuð úr garninu Merino Cash Sport. Peysan eftir Eddu er þessi ljósa, hún er hekluð og liturinn á henni heitir Suðvestur, einnig úr Merino Cash Sport garninu. Svo er fyrirsætan þeirra alveg gullfalleg.

Allt er fallegt við þetta. Ég er í 7unda himni!

Ok.. best að koma sér niður á jörðina aftur. Nóg að gera yfir pottunum og nokkrir nýjir litir á leiðinni, hér er smá sýnishorn.

Frá vinstri: Skinny Love, Blámi, Yesterday, Dancing Queen, Kampavín & Jarðarber og Rustic

Ég er að vona að ég verði búin að setja þá í hillurnar fyrir helgi.

 

Það er Kristín sem ritar - lýsandi stikkorð:

handlitari + vefhönnuður + útgefandi // listrænn stjórnandi + fjölástríðufullur prjónari // þverflautuleikari + tilfallandi klúðrari // fylgjumst að á Insta @vatnsnesyarn.kristin

Leave A Comment

Fleiri bloggpóstar