Guðlaug Svala er ein af þeim sem ég hef kynnst í gegnum prjónasamfélagið á Íslandi. Ég hef lengi verið hrifin af því sem hún hannar af prjónaflíkum en það sem mér finnst einkenna hana sem hönnuð eru fíngerðar flíkur, grafísk munstur og augljós innblástur úr náttúrunni.

Okkar samstarf snýr að því að ég veiti henni svokallaðan „garnstuðning“ sem algengt er að framleiðendur garns geri fyrir textílhönnuði sem hanna úr garni. Mér þykir afar vænt um þetta samstarf vegna þess að ein verðlaunin sem ég fæ fyrir að  lita garn er að sjá flíkur verða til úr því.