Heildsala

Hafir þú áhuga á að selja garn og/eða aukahluti frá Vatnsnes Yarn í garnverslun þinni er best að þú sendir tölvupóst á yarn@vatnsnesyarn.is og ég sendi á móti allar upplýsingar sem þarf.

Markmið mitt er að veita hannyrðafólki hágæða efnivið í næsta verkefni. Ég býð ríkulegt úrval af fallegum litum. Vinnustofan mín er á Hvammstanga í Húnaþingi vestra. Þar handlita ég ýmsar tegundir af garni, svo sem merínó ull, BFL ull, silki og kasmír sem hentar vel í handprjónaðar flíkur, í hekl, vefnað og útsaum.

Ég vel hráefnið af kostgæfni. Hvergi í ferlinu hafa dýr eða manneskjur þurft að þjást og hvergi í ferlinu er gengið á náttúruna. Ég býð bæði uppá superwash meðhöndlaða ull og ómeðhöndlaða ull. Superwash meðhöndlaða ullin er meðhöndluð á náttúruvænan máta (með eftirfarandi vottunum: EU Flower og OEKO-TEX 100).