Fade klúbburinn
Í Fade klúbbnum færð þú 6 hespur í skemmtilegum litum sem áreynslulaust blandast úr einum í annan og mynda fallega heild.
Innblástur
Merino Fingering
Merino Fingering er mjúkt, lipurt og prjónast / heklast einstaklega vel. Þetta garn er spunnið í jafnan snúð sem gerir að það hnökrar lítið.
Sérlega gott í heimferðasett, barnaföt, sjöl, húfur, vettlinga, toppa, boli, peysur og flíkur sem eiga að liggja næst húðinni.
Merino DK
Merino DK er yndismjúk merínó ull í DK grófleika, sem mann langar bara til að hjúfra að sér. Peysur, djúsí sjöl, treflar og kragar, barnateppi, húfur og kósýsokkar eru allt dæmi um það sem þú getur notað Merino DK í.
Merino Silk
Merino Silk er lúxusgarn. Það er spunnið úr fínni merínó ull og silki í þéttan snúð, perlugarn. Áferðin er skínandi og viðkoman undurmjúk. Hentar einstaklega vel í flíkur sem liggja eiga næst húðinni ásamt því að vera hið fullkomna lúxus sjalagarn. Garnið hefur mjög fallegan hrynjanda og liggur afar vel.
Mohair Lace
Mohair Lace er mjög ljúft lace/fis band. Það er fíngert, mjúkt, loðið og silkið gefur fallegan gljáa. Frábært með öðru garni og einnig frábært í áferðar kontrast.
True Merino Fingering
True Merino Fingering er hrein merínó ull, unnin á ábyrgan máta (eins og allt garn frá Vatnsnes Yarn) og hefur ekki verið superwash meðhöndluð. Sérlega gott í heimferðasett, barnaföt, sjöl, húfur, vettlinga, toppa, boli, peysur og flíkur sem eiga að liggja næst húðinni. Hvort um er að ræða slétt prjón, garðaprjón, stroff eða munsturprjón tekur prjónles úr True Merino Fingering sig einstaklega vel út. Vel defíneraðar lykkjur og má vel gera ráð fyrir fallegri útkomu.