Skilmálar Vatnsnes Yarn
Upplýsingar
Þessi vefur er í eigu Vatnsnes yarn ehf. Í gegnum þessa skilmála munu orðin “við” og “okkar” eiga við um fyrirtækið.
Þessi vefur og allt sem á honum er, er í boði okkar fyrir þig, notanda vefsins og er skilyrt af þessum skilmálum.
Með því að heimsækja þessa síðu og/eða kaupa eitthvað af okkur, hefur þú sjálfkrafa samþykkt þessa skilmála og þá skilmála sem kunna að vera hlekkjaðir við þá. Þessir skilmálar eiga við alla notendur síðunnar.
Vinsamlega lestu þessa skilmála vel. Skilmálarnir kunna að verða uppfærðir á hverjum gefnum tímapunkti. Ef þú ert ekki sammála skilmálunum getum við ekki með góðu móti samþykkt að þú notir síðuna eða þá þjónustu sem við bjóðum uppá í gegnum hana.
Skrifstofa:
Vatnsnes Yarn ehf
Garðavegi 25
530 Hvammstangi
Ísland
Netfang: yarn@vatnsnesyarn.is
Sími: 655 9052
Vsk. nr.: 137423
Kt: 670320 0220
Vinnustofa:
Hvammstangabraut 13B
530 Hvammstangi
Ísland
Um notkun vefsins
Þér er velkomið að vafra um, kaupa vörur og almennt nota vefinn og það sem hann býður uppá.
Þér er ekki velkomið að nota neitt af þeim texta, myndum, grafík, vörum sem finnst á vefnum með ólöglegum eða ósamþykktum hætti. Þetta á einnig við um höfundaréttarvarið efni. Þú hefur ekki leyfi, undir neinum kringumstæðum, til þess að dreifa á þessum vef eða í gegnum þennan vef né neinu af þeim net- eða vefföngum sem kunna að tengjast þessum vef, vírusum, tölvuormum eða öðru sem telst vera eyðileggingartól.
Öryggis- og persónuskilmálar
Þær persónuupplýsingar sem við móttökum þegar viðskiptavinur framkvæmir kaup á þessari vefsíðu, er farið með sem trúnaðarupplýsingar og einungis nýttar í þeim tilgangi að klára viðskiptafærslu.
Persónuupplýsingar verða ekki afhentar þriðja aðila undir neinum kringumstæðum.
Ef þú, sem viðskiptavinur okkar, vilt að upplýsingum um þig verði eytt úr gagnagrunni okkar, gerum við það með glöðu, sendu beiðni um þetta á yarn@vatnsnesyarn.is.
Kortaupplýsingar eru dulkóðaðar og allar greiðslur fara í gegnum öruggar greiðslugáttir.
Greiðslumáti
Þú getur greitt með korti, millifærslu, Netgíró, Pei eða fengið reikning í heimabanka.
Greiðslur með korti fara í gegnum örugga greiðslugátt.
Virðisaukaskattur er innifalinn í verðum sem birt eru á síðunni og sendingargjald mun bætast við þegar við á, áður en þú samþykkir kaup og greiðslu.
Sendingarmáti
Greiddar vörur eru sendar með Íslandspósti eða Dropp og gilda afhendingar-, ábyrgðar og flutningsskilmálar Íslandspósts/Dropp um afhendingu vöru. Skv. þeim skilmálaum berum við ekki ábyrgð á tjóni sem kann að verða á vöru í flutningi. Verði vara fyrir tjóni frá því að hún er send frá okkur til viðtakanda er tjónið á ábyrgð kaupanda. Við stefnum ávalt á að pöntun frá þér sé komin á réttum tíma en um leið getum við ekki ábyrgst tafir eða aðrar uppákomur hjá Íslandspósti/Dropp, sem verða til þess að pöntun berst seinna en upp var gefið af okkur.
Um niðurhlaðanlegar vörur:
Niðurhlaðanlegar vörur eru sendar til kaupanda með tölvupósti og ættu að berast um leið og greiðsla er samþykkt.
Skattar og tollar
Verð á þessum vef eru birt með virðisaukaskatti fyrir kaupendur á Íslandi, annars án vsk. Þú gætir þurft að greiða skatta og/eða tolla af pöntun þinni ef þú býrð í öðru landi en á Íslandi. Ekki er greiddur virðisaukaskattur af vörum sem sendar eru úr landi.
Skila og/eða skipta
Innan 30 daga frá móttöku vöru er þér er velkomið að skila eða skipta vöru sem þegar er greidd.
Vörur sem ekki er hægt að skila eða skipta:
Niðurhlaðanlegar vörur
Vörur í formi pdf
Útsöluvörur
Gjafakort
Skila vöru:
Þú þarft að skila vörunni í upprunalegum umbúðum innan 30 daga frá móttöku til þess að fá hana endurgreidda. Vara í rofnum umbúðum eða vara sem við metum óseljanlega af einhverjum ástæðum fæst ekki endurgreidd.
Sendingarkostnaði varðandi vöru sem skilað er, er mætt af kaupanda nema ef um alvarlegan framleiðslugalla er að ræða, þá greiðist sendingargjald af okkur.
Skipta vöru:
Ef þú vilt skipta vöru er það einnig velkomið, sé það gert innan 30 daga frá móttöku og að vöru sé skilað í upprunalegum umbúðum. Sendingarkostnaði varðandi vöru sem á að skipta er mætt af kaupanda nema það hafi komið upp að þú hafir fengið aðra vöru en þú greiddir fyrir, þá greiðist sendingargjald af okkur.
Vara í rofnum umbúðum eða vara sem við metum óseljanlega af einhverjum ástæðum fæst ekki skipt og er send til baka til kaupanda, á hans kostnað, nema kaupandi afsali sér vörunni.
Ekki er hægt að skipta gjafakorti út fyrir pening.
Athugasemd um handlitað garn:
Hankar/hespur/dokkur af handlituðu garni, vegna eðlis handlitunar ferlisins, geta haft örlítinn sýnilegan litamun, jafnvel þó hankarnir séu litaðir í sömu lotu. Þessvegna, mælum við með að ef keyptir eru fleiri en einn hanki sem eiga að vera í sama verkefninu, að prjónað/heklað sé úr hönkunum til skiptis (sjá kennslumyndband). Litamismunur sem slíkur er þannig ekki talinn sem galli.
Við höfum gert okkar besta til þess að birta liti garnsins sem réttastan, í þessari vefverslun. Við getum því miður ekki ábyrgst að skjár tölvunnar þinnar muni birta hinn rétta lit.
Allt garn sem framleitt er af Vatnsnes Yarn er litað í litlum upplögum og endaútkoman er alltaf, í hvert einasta skipti einstök, sem er eitt af því sem er heillandi við þessa gerð af handverki og er almennt metið sem kostur. Myndir af garni sem finna má í þessari vefverslun eru eins og áður sagði teknar og unnar þannig að þær birti hinn rétta lit en við ábyrgjumst ekki að skjárinn sem þú notar til þess að skoða vefinn birti myndina 100% rétta.
Nema þú hafir fengið akkúrat hespuna sem notuð er til myndatöku eru líkur á að hespan sem þú færð senda sé ekki nákvæmlega eins og á myndinni þó hún sé í sama lit. Spekklur og litaskellur geta verið annarrsstaðar staðsettar á hespunni heldur en kemur fram á myndinni. Sumar hespur hafa verið undnar upp uppá nýtt, sem er eitthvað sem þarf að gera hafi hespa flækst í litunarferlinu. Það gerir að litur dreifist jafnt um hespuna. Margar hespur eru sendar af stað án þess að hafa verið undnar uppá nýtt og sýna því litinauppröðunina öðruvísi (sjá mjög lýsandi dæmi hér). Vörumyndir í þessari vefverslun eru í flestum tilfellum ekki af hespum sem hafa verið undnar uppá nýtt.
Byggt á ofantöldu, er ekki talin ástæða til þess að fá vöru endurgreidda, að liturinn sé ekki eins og á þínum skjá eða ekki nákvæmlega eins og á myndinni.
Hvert á að senda vöru sem á að skila/skipta
Vörum sem á að skila/skipta þarf að koma á þetta heimilisfang:
Garðavegur 25
Vatnsnes Yarn / bt. Kristín Gudmunds
530 Hvammstangi
Ísland
Vinnustofan mín er í gamla bakaríinu sem nú er smíðaverkstæði :) 530 Hvammstanga. Almennur opnunartími fyrirfinnst ekki en ef þú ert á ferðinni framhjá og vilt kíkja þá er það velkomið, vertu í bandi fyrst á kristin@vatnsnesyarn.is eða síma 6559052.
Við berum ekki ábyrgð á vörum sem skilað er eða skipt á meðan þær eru í póstferlinu.
Lög og varnarþing
Ákvæði og skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur vefverslunar Vatnsnes Yarn ehf, á grundvelli þessara ákvæða og skilmála, verður slíkum ágreiningi eða kröfu vísað til meðferðar hjá íslenskum dómstólum.
Skilmálar síðast uppfærðir 24.09.2024
