GLÁS

G L Á S á MCN Fingering sem er flauelsmjúkt, létt og spunnið í hefðbundinn snúð. Prjónles hefur yndæla áferð, mjúka og lykkjur njóta sín vel. Allt sem vera á í næst húðinni er hægt að prjóna úr þessu garni.

MCN garnið heitir það vegna þess að það er samsett af merino ull, kasmír (cashmere, C-ið í nafninu) og nælon. Kasmírullin gerir garnið mýkra en garn sem eingöngu inniheldur merino ull – ss, mjúkt eins og kettlingur.

Þó svo að það séu jafnmargir metrar á 100g og til að mynda Merino Fingering, 400m, þá er þetta garn samt sem áður örlítið fíngerðara, þynnra en hið típíska „fingering“ garn.

Það er létt og loftkennt.

Liturinn á myndinni heitir Glás og er blanda af moody og skærum litum, gráir yfirtónar, bleikur, blár, grænn, gulur undirtónn.