Þrennu klúbburinn
Í Þrennu-klúbbi Vatnsnes Yarn fyrir komandi vor eru þrjár 100g hespur af Merino Fingering í nýjum litum sem sérstaklega eru litaðir fyrir þennan klúbb.
Merino Fingering
Merino Fingering er mjúkt, lipurt og prjónast / heklast einstaklega vel. Þetta garn er spunnið í jafnan snúð sem gerir að það hnökrar lítið.
Sérlega gott í heimferðasett, barnaföt, sjöl, húfur, vettlinga, toppa, boli, peysur og flíkur sem eiga að liggja næst húðinni.
Merino DK
Merino DK er yndismjúk merínó ull í DK grófleika, sem mann langar bara til að hjúfra að sér. Peysur, djúsí sjöl, treflar og kragar, barnateppi, húfur og kósýsokkar eru allt dæmi um það sem þú getur notað Merino DK í.
Merino Silk
Merino Silk er lúxusgarn. Það er spunnið úr fínni merínó ull og silki í þéttan snúð, perlugarn. Áferðin er skínandi og viðkoman undurmjúk. Hentar einstaklega vel í flíkur sem liggja eiga næst húðinni ásamt því að vera hið fullkomna lúxus sjalagarn. Garnið hefur mjög fallegan hrynjanda og liggur afar vel.
Merino Silk DK
Merino Silk DK er með öllu gordsjöss! Merino ull og silki til helminga gerir garnið að algjörum lúxus. Það hangir með eindæmum vel, er skínandi fagurt, mjúkt og yndislegt í peysur, húfur, vettlinga, djúsí sjöl og trefla.
Mohair Lace
Mohair Lace er mjög ljúft lace/fis band. Það er fíngert, mjúkt, loðið og silkið gefur fallegan gljáa. Frábært með öðru garni og einnig frábært í áferðar kontrast.
BFL Delish
BFL Delish er mjúkt og endingargott lúxusgarn í fingering grófleika. Bluefaced Leicester ullin er bresk ull sem notið hefur vaxandi vinsælda, er bæði mjúk og endingargóð. Til þess að bæta á mýktina hefur kasmír ull verið spunnið saman við og einnig silki, sem gefur yndislega fallegan gljáa. Þetta garn er hægt að nota í hvað sem er, einnig sokka sé prjónað í þéttri prjónfestu (t.d prj. 2.5mm-2.25 eða minni). BFL Delish endist mjög vel.