Blossom & Sophie Scarf
22. maí 2025
Prjónahúfur – uppskriftir
- Inspó
Prjónahúfur – uppskriftir
- Höfundur: Kristín
Stundum er ég spurð hvort ég viti um einhverjar góðar uppskriftir sem henta vel fyrir garnið frá Vatnsnes Yarn. Nýverið var ég spurð um húfu á stúlkubarn í kringum 8 ára aldur. Ég fór á stúfana og fann þessar húfur sem mér finnst vera sætar og fallegar og tel að muni henta vel fyrir húfuprjón úr DK garni (fyrir prjóna 3.5 til 4.5) þar sem ekki er um tvíbandaprjóna að ræða heldur bara einn litur notaður.
Þessi húfa heitir Húfan mín og er eftir Ömmu Loppu. Einföld og sæt húfa sem hægt er að gera enn meira sæta með því að skella á hana dúskum.
Önnur húfa úr smiðju Ömmu Loppu, hún er sömuleiðis auðveld í prjóni og klassísk hönnun. Eins og segir á vef Ömmu Loppu, passar við allt!
Kría húfa, uppskrift frá MeMe Knitting. Falleg húfa sem gengur vel með eða án dúsks myndi ég halda. Margar stærðir í boði.
Bylur er einnig húfa frá MeMe Knitting. Hér er á ferðinni húfa sem er prjónuð 1×1 slétt og brugðið. Eins og húfan Regn frá Ömmu Loppu er þessi klassísk í útliti og hentar við öll tækifæri.
Jubilee húfa, uppskrift á ensku eftir Andrea Mowry. Húfa sem nær vel niður fyrir eyru.
Beeswax húfan eftir Amy van de Lar. Mynstrið minnir á bú býfluganna. Er prjónað úr einföldum mini-köðlum sem hægt er að prjóna án þess að nota kaðlaprjón.
Uppskrift er á ensku.
Og svo er hægt að nota Knittable til þess að búa til sína eigin uppskrift að húfu 🙂
Deila þessari færslu
Fleiri færslur
Prjónahúfur – uppskriftir
5. maí 2025