Forvitni og vilji til þess að prufa nýtt, annað, öðruvísi en áður.

Tilgangurinn með UNDUR klúbbi Vatnsnes Yarn er að opna á forvitni, leik og útsjónarsemi.

Hvort sem um ræðir garntegund, magn garns, grófleika þess, áferð eða lit þá má líta á það sem áskorun að fá í hendur eitthvað sem þú valdir ekki og finna út hvað er hægt að búa til úr því.

Forvitni og leikur í prjónalífinu

Forvitni er drifkraftur sem tengir saman leik og sköpun á mikilvægan hátt. Í leik fáum við leyfi til að forvitnast, spyrja allra spurninganna óhrædd. Þá prófum við nýjar leiðir, breytum reglum og leyfum hugmyndafluginu að ráða.

Forvitnin kveikir tilhlökkun fyrir að uppgötva eitthvað nýtt og leikurinn gefur rými þar sem þar sem allt má.

Forvitni gegnir ekki síður mikilvægu hlutverki við handavinnuna. Hún hvetur okkur til að kafa dýpra, skilja samhengi og læra nýja tækni.