Aðventudagatal 2026 – viðhafnarútgáfa

Aðventudagatal 2026 – Viðhafnarútgáfa

Vatnsnes Yarn er 10 ára í ár! Þessvegna er hér í boði viðhafnarútgáfa af aðventudagatalinu frá Vatnsnes Yarn.

Aðventudagatal ársins 2026 hefst á fyrsta í aðventu sem í ár er sunnudagurinn 29. nóvember. Opnaður er einn pakki á dag fram á aðfangadag og eru því 26 pakkar í aðventudagatali Vatnsnes Yarn þetta árið.

Dagatalinu fylgir uppskrift að sjali sem ekki hefur verið gefin út áður, garn í sjalið og mun meira garn, eða alls um 800g og svo hinar ýmsu gersemar, glingur  og verkfæri, allt tengt garni, prjóni og/eða hekli. Smáhlutirnir sem fylgja eru allir hannaðir af eða búnir til af Kristínu hjá Vatnsnes Yarn. Viðhafnarútgáfan er veglegri að öllu leiti, bæði hvað varðar garn og aukahluti.

Þetta aðventudagatal er á forsöluafslætti til 15. september 2026.

Gagnlegar upplýsingar:

• Garnið í dagatalinu er í svokölluðum sock/fingering/fínbands- grófleika. Uppgefin prjónastærð er 2.25mm til 3.5mm.
• Verkfærin/hjálpartækin sem fylgja tengjast öll garni og því sem vinna má úr því.
• Allt í dagatalinu er leyndarmál. Þ.e liturinn á garninu, uppskrift að sjali og hvað eina annað sem verður þar að finna (oft glingur eða einhverskonar verkfæri er tengjast garni/prjóni/hekli) verður ekki gefið upp fyrirfram. Það er vegna þess að þetta er aðventudagatal og það er til þess gert að auka á tilhlökkun og gleði á aðventunni 🙂
• Afhending/sending innanlands fer fram uppúr 10. nóvember 2026. Sendingargjald innanlands er innifalið í verðinu.