Allt um móhár og Mohair Lace

Angórageitur framleiða mohair, móhár á íslensku, sem úr er spunnið garn og annar textíll. Hér verðum við að tala um hár vegna þess að angóruull er annað, hún kemur af angóra kanínum, alls ekki það sama.

Hár angórageitarinnar eru löng, þ.e þræðir hársins eru langir, oft 12 til 15cm og glansandi en móhári er oft spunnið saman við aðrar spunatrefjar, merínó ull eða silki sem dæmi, einmitt til þess að fá fram skínandann sem móhárið býr yfir.

Að vera glansandi er ekki eini eiginleikinn sem er eftirsóttur. Móhár býr nefnilega yfir mörgum eiginleikum og telst reyndar til lúxus spunatrefja (ásamt t.d kasmír, alpaka og silki). Móhár er nefnilega líka fíngert, mjúkt, loðið, hlýtt og sterkt.
Ef móhári er spunnið saman við aðra ull er það gjarnan vegna þess að það útkoman á að vera með svolítinn glans, vera sterkur efniviður sem nota má í hverskonar textíl en innibera einnig mýkt.

Móhár veitir mikla hlýju en er um leið mjög, mjög létt garn. Þannig má fá flík úr móhári sem er létt og loftkennd, en líka mjög hlý.

Mohair Lace frá Vatnsnes Yarn

Eitt af mest sjáanlegu einkennum móhárs er hversu loðið garn, sem spunnið er úr móhári, er. Sem dæmi er Mohair Lace frá Vatnsnes Yarn spunnið úr kid mohair og grade A Mulberry Silk, en kid mohair á við að móhárið kemur af kiðlingum en ekki fullorðnum geitum.

Það er í lace / fisbands grófleika og er vinsæll fylgiþráður einmitt vegna þess hversu loðið það er en það gefur flík glæsilegt yfirbragð. Oft talað um “halo” í hinu alþjóðlega prjónasamfélagi en það er alveg hægt að segja að móhár myndi einskonar hljúp sem er skínandi.

Sorrel peysan er efst og prjónuð úr Mohair Lace og Merino Fingering haldið saman

Það má líka nota Mohair Lace eitt og sér, einfalt, tvöfalt, þrefalt. 

Mynd: @sandraprjonar. Hér er peysa sem verið er að prjóna úr Mohair Lace og öðrum mohair þræði haldið saman. Liturinn heitir Unicorn.

Mohair Lace má líka nota sem áferðar kontrast sem getur verið mjög skemmtilegt að vinna með, áferðar kontrast þ.e.a.s. Almennt séð færir kontrast hvort það er litur eða áferð verkefnum ákveðinn sjarma, kveikir áhuga og grípur augað.

Sem dæmi sjalið Korter í jól eftir Eddu Lilju en það er prjónað að mestu úr Perfect Sock sem er hið típíska merínó garn, slétt og fallegt efni sem fæst úr því en svo er einn kaflinn í sjalinu, þessi græni á myndinni prjónaður með Mohair Lace. Kaflinn verður loðinn á móti sléttu.

Helsti galli móhársins er að sum eru viðkvæm fyrir því. Það verður að segjast eins að það getur klæjað aðeins undan því, undirrituð er t.d aldrei í móhárspeysunni nema í einhverju innanundir. Öðrum er alveg sama.

Ef þú ert að leita að fylgiþræði sem er loðinn og fílar ekki móhár, þá eru fínustu staðgenglar Mohair Lace sem dæmi þessir:

• Suri Silk Lace (væntanlegt)
• Suri Fluff Fingering