Retró, prjónaður stuttermabolur

Retró bolurinn eftir Guðlaugu Svölu er prjónaður úr fínbands-fingering grófleika, eða garni sem er fyrir prjóna 2.5 til 3.5mm. 

Bolurinn er ss stutterma og er prjónaður að ofan og niður. Hann er röndóttur, notaður er aðallitur í rendur í sléttu prjóni og svo aðrir litir í gataprjóni á móti. Hálslíning og stroff á ermum er prjónað með perluprjóni og svo er frekar langt stroff neðst á bol sem prjónað er í 2×2 slétt, brugðið.

Uppskriftin var gefin út í samstarfi við Vatnsnes Yarn á Garnival 2026. 

Litaval

Það sem er skemmtileg við þennan bol er að það er hægt að velja sér alveg frá 2 uppí sem dæmi 7 liti til að vinna með. Þú getur notað einn aðallit og einn aukalit eða einn aðallit og 6 aðra liti, þannig er það í uppskriftinni. Þetta er því fullkomið verkefni fyrir mini-hespurnar eða afgangana.