Litaval er manni mikilvægt þegar maður er að velja hvað skal prjóna eða hekla en áferð er ekki síður áhugavekjandi. Vekur einnig forvitnina sem hlýtur eiginlega að vera einhverskonar byrjunarpunktur þegar valið er hvað skal prjóna, í hvaða lit, úr hvaða hráefni og með hvað áferð.

Þekkt að skapa „kontrast“ með litum, t.d með því að hafa einn skæran lit með öðrum daufari, eða í litapallettu sem er að mestu í grátónaskalanum eða brúntóna að hafa einn Lit (með stóru L-i) með, bleikan, appelsínugulan, grænan, bláan. Eða nýta litahjólið og skapa kontrast með andstæðulitum, rauður vs grænn, blár vs appelsínugulur, fjólublár vs gulur.

Kontrast má líka skapa með áferð garns. Fullt af garni hefur slétta áferð eins og vera ber en svo er til allskonar annað sem einkennist af því að vera loðið, hnútótt, krullað, skínandi, mjög gróft eða mjög fínt.

Kontrast, sem ég veit ekki betur en að á íslensku útlistist sem andstæða, sem mér finnst ekki vera nógu heppilegt hugtak yfir eitthvað sem skapar spennu, vekur áhuga og forvitni og ljáir verki einstaka eiginleika, er auðvelt að skapa í t.a.m sjölum. Sem dæmi sjalið Korter í jól 

Þarna erum við með Perfect Sock sem er í fingering grófleika og Mohair Lace sem er í lace grófleika. Mohair Lace er græni kaflinn á þessari mynd og skapar áferðar-kontrast sem margfaldast bæði með litnum sem einnig aðgreinir sig frá brúntóna þemanu og prjónamunstrinu sem er annað en munstrið í kring, þó munstrin tali vissulega saman, sjáðu bara götin á milli kafla og svo götin í græna kaflanum.

Þannig lagað séð hægt að prufa sig áfram. Taka uppskrift að einhverju sjali, prufa að nota garn sem hefur tvo mismunandi áferðar eiginleika. Eða gera munsturbekk í peysu úr öðru garni en restin af peysunni er í.

Þetta er nú bara eitthvað til að hugsa um svona á þriðjudegi. Hér fyrir neðan má sjá skemmtilegt garn sem er með óhefðbunda áferð.

Það er Kristín sem ritar - lýsandi stikkorð:

handlitari + vefhönnuður + útgefandi // listrænn stjórnandi + fjölástríðufullur prjónari // þverflautuleikari + tilfallandi klúðrari // fylgjumst að á Insta @vatnsnesyarn.kristin

Leave A Comment

Fleiri bloggpóstar